ألغــــاز مغربيــة
ألغــــاز مغربيــة 2014
أمثال مغربيةأمثال مغربية 2014
حاجيتك و ما جيتك !!
* قدها قد الدبزة و فايتة السلطان في اللبسة ؟
الجواب : البصلة .
* راه راه و الغوت وراه ؟
الجواب : اللص .
* بقرتنا كحلة غرة ، ذبحناها فوق كهف عالي ،اللحم رميناه و الدم بعناه غالي ؟
الجواب : الزيتونة .
* طيها طي كتاب و لونها لون غراب ؟
الجواب : الخيمة .
* ثلاثة وقوف ، و الرابع ملقوف ، و الخامس يضرب و يشوف ؟
الجواب : الشكوة و الأعمدة المدلاة فيها و المرأة المعدة للبن .
* زينها ظريف ، و أولادها يتنزهو في كل ريف ؟
الجواب : الصينية .
* لقيمة فوق عويد ؟
الجواب : كرموسة ( فاكهة التين ) .
* مدينتنا حمراء ، سوارها خضراء ، سكانها عبيد ، و سوارتها من الحديد ؟
الجواب : دلاعة .
* ديتك حتى للخلا و قجيتك ؟
الجواب : العطش .
* كلبتنا الهبهابة تخرج السبع من الغابة ؟
الجواب : الكلبة هي المشطة ، و السبع هو القملة .
* تيه تيه و للي جا يديه ؟
الجواب : الغربال .
* تاكل ما تشبع ، و يلا شربت تموت ؟
الجواب : النار .
* كتوصل عند الجامع و تحشم ؟
الجواب : البلغة .
* يقطع الواد و ما يسرد ؟
الجواب : الظل .
* تذبحها و تبكي عليها ؟
الجواب : البصلة .
* ثورنا الأدبس غادي و يلحس ؟
الجواب : موسى الحلاقة .
* سقيرنة جارا مصيرنة ؟
الجواب : الإبرة و الخيط .
* يظل مكسي و يصبح عريان ؟
الجواب : المغزل .
* هاتو بن هاتو صاب الغذا فاتو و بدا يندب في حنيكاتو ؟
الجواب : القرشان .
* طولها طوال و ما عندها خيال ؟
الجواب : الطريق .
* غنمنا قطيع كبير ، و الحساب ما نحسبوها ، و لي مشات نعرفوها ؟
الجواب : المنسج .
* تمشي بلا رجلين ، و تبكي بلا عينين .
الجواب : السحابة .
ألغــــاز مغربيــة وامثال شعبية قديمة