وصفة طورطة باردة بالكراميل والبرتقال، طورطة صيفية باردة بالكراميل والبرتقال والطريقة بالصور والشرح
مقادير طورطة باردة بالكراميل
الطبقة الاولى
2 بيضات 6معالق كبار سنيدة 6معالق كبار برتقال 6معالق كبار زيت 1فاني 2خميرات حمراء 2معالق كبار كاكاو 2معالق كبار بودرة الحليب 6معالق كبار دقيق قشرة برتقال
طريقة التحضير
كنطربو كل مقادير الطبقة الأولى فمولينكس وكنصبوه فلاطة فيها اطار (ضروري الاطار) كيطيب الكيك كنخليوه فالاطار
مقادير الطبقة الثانية
دانون فاني فيه 500غ + كاس كبير حليب غبرة
الطريقة
نطحنوهم فمولينكس ونصبوهم فوق الكيك ويكون الفرن مسخن قبل وندخلوها للفرن تكون العافية فوق الكيك فقط حتى يعقد اليوغورت وميتحمرش ونخرجوه
الطبقة الثالثة
نصف لتر حليب 1فلان كراميل سكر حسب الذوق
نصيبو الفلون عادي ونصبوه فوق الكيك ونخليوه يبرد فالثلاجة
الطبقة الرابعة
عصيرالبرتقال 2فلان فاني والسكر حسب الذوق
ونغليوهم ونصبوالخليط فوق الكيك
وندخلوه للثلاجة
