المقادير :
اللحم حسب الرغبة
بصلة
زيت العود
العطرية : ملح +ابزار+مروزية +سكنجبير +خرقوم+طحميرة غير شوية +زعفران +عواد القرفة
مطيشة دوائر
الماء
البرقوق
الزيتون والحامض
مزود الحار
الربيع
طريقة التحضير :
ناخد طاجين نحطو فيه اللحم وبصلة وزيت العود
غير يتشحر ونزيدو العطرية فيها ملح +ابزار+مروزية +سكنجبير +خرقوم+طحميرة غير شوية +زعفران +عواد القرفة
غير تدخل العطرية فاللحم ونزيدو الماء ايكون طايب
ونخليو هاد شي نصف ساعة
ونستفو بصلة دوائر القدر اللي بغيتو انا دارت 2 بصلات كبار
ومطيشة دوائر
والبرقوق انكونو رطبناه من قبل
وزيتون والحامض ومزود الحار ونرشو شوية الربيع من الفوق
ونخليو كلشي ايطيب على خاطرو
اللي يبغي ايعسل البرقوق بحدو ايعسلو ويزيدو فالأخير
نخليكم مع الصور
