الحنيفيات بالعسل بشكل جديدة

مقادير شهيوات رمضان

كيلو دقيق الفورص
ملح
بيضة
2خمارات الحلوى

250غ الزبدة دايبة و باردة
ماء الزهر للعجن انا استعملت الماء لان عندي العسل منسم بالزهر
نشا او مازينا للتوراق
طريقة تحضير شهيوات رمضان
اولا كتبسسوا الدقيق بالزبدة و تضيفوا باقي المقادير
و لازم تحصلوا على عجينة قاصحة
نعجنوها مزيان
و نتشكلوا منها عصيات و نخليوها ترتاح انا خليتها نصف ساعة
ونطلقوها بالمدلك شوية مع رشة مايزينا
و دوزوها فماكينة السباكيتي رقم 4 ثم رقم 7 ثم رقم 9
لازم تكون رقيقة
رشوها مزيان بالمايزينا و نلويوها

نكملوا العمل لكل العجينة و متنساوش تغطيوها ببلاستيكة باش متنشفش من بعد نقطعوا العجين مائل بحال الا غتعملوا الفقاص و كل قطعة نعاودو نرققوها بالمدلك
ونكملوا كل العجين مع مراعاة دائما انكم تغطيوه
و نقليوه فالزيت سخونة لكن الحرارة قليلة و هادا السر باش تطيب

ونغطسو الحنيفيات في العسل ونزينوهم باللوز مهرمش او الزنجلان